کرائم کنٹرول ڈیپارٹمنٹ کا خطرناک ملزمان سے گوجرانوالہ کے دو مختلف تھانہ جات میں مقابلہ
ایڈ یٹر کرائم قیصر ندیم ساقی…تھانہ کینٹ کے علاقہ میں مقابلہ کے دوران ہلاک ملزم کی شناخت حسنین خالد کے نام سے ہوئی جو اپنے ہی ساتھیوں کی فائرنگ سے ہلاک ہوا۔ ہلاک ڈاکو حسنین آئی جی پنجاب کی ٹاپ ٹین دہشت کی علامت سمجھے جانے والے مجرمان کی فہرست میں شامل تھا ہلاک ملزم گوجرانوالہ سمیت سیالکوٹ، حافظ آباد اور گجرات کی ڈکیتی راہزنی کی 40 سے زائد وارداتوں میں ریکارڈ یافتہ ہے۔
دوسرا مقابلہ تھانہ صدر گوجرانوالہ کے علاقہ میں ہوا۔ تھانہ صدر گوجرانوالہ کے علاقہ میں مقابلہ کے دوران ہلاک ڈاکو کی شناخت نعیم وارث کے نام سے ہوئی جو اپنے ہی ساتھیوں کی فائرنگ سے ہلاک ہوا۔ ہلاک ڈاکو نعیم وارث ڈکیتی کے دوران قتل، پولیس مقابلہ اور راہزنی کی درجنوں وارداتوں میں ریکارڈ یافتہ ہے۔ بقیہ ملزمان اندھیرے کا فائدہ اٹھا کر فرار ہو گئے۔ ان کی گرفتاری کے لیے کرائم کنٹرول ڈیپارٹمنٹ کی خصوصی ٹیمیں تشکیل دے دی گئی ہیں۔ ڈسٹرکٹ آفیسر سی سی ڈی گوجرانوالہ نے کہا ہے کہ سی سی ڈی سماج سے جرائم کا خاتمہ، ایک محفوظ نسل اور پر امن مستقبل کی ضامن ہے۔
