لاہور(خضر عباس سے )فلم اسٹار ممتاز نے بیٹے ذیشان راحیل کے ساتھ ڈرامہ انڈسٹری میں قدم رکھ دیا ۔باری اسٹوڈیو میں پریس کانفرنس سے خطاب کرتے ہوئے فلم اسٹار ممتاز نے کہاکہ ” یوسف” کے نام سے ڈرامہ سیریل کا آغاز اگلے ماہ سے ہوگا۔ رومینس اور ایکشن پر مبنی ڈرامے میں ذیشان راحیل مرکزی کردار نبھائیں گے، اس ڈرامے کے ڈائریکٹر اسلم چشتی ہیں۔ممتاز نے کہا کہ اس وقت انڈسٹری کو ہماری ضرورت ہے۔میرا بیٹا ذیشان راحیل مجھے پچیس سال بعد پاکستان لایا ۔اسی کے ساتھ پاکستان آئی ہوں۔
ممتاز نے وزیر اعلیٰ پنجاب مریم نواز شریف سے اپیل کی کہ فلم انڈسٹری کی بحالی کے لیے مدد کریں، فلمسٹار ممتاز نے کہا کہ مخصوص ٹولہ مجھے ہراساں کررہاہے، معاملے میں سی سی پی او اور ڈی آئی جی نے کافی مدد کی۔پریس کانفرنس میں اسلم چشتی،ذیشان راحیل،محمد عباس،رانا شہباز ایڈووکیٹ ،ذاہد قریشی بھی موجود تھے۔
